Dated Siaha, the 17th March, 2023: National Programmme for control of Blindness and visual impairment, Siaha District buatsaihin Siahatlah MTP Office ah World Glaucoma week hman ani a, he hun hi Pu Judson KT Zephatha chuan kaihruaiin Dr. S. Vabeilysa, District Program Manager atangin thusawina ngaithlak ani a, hemi hnu hian Dr. Laltanpuia Chhangte, Eye Surgeon atangin Glaucoma chungchanga inzirtirna leh Mit hrisel zawka enkawl dan chi hrang hrang te ngaithlak a ni. Tun dinhmunah India ramah Mit delna thlen tam bertu te zinga Glaucoma hi a tel mek a ni.

He hun hi Pi. K. Malsawmi, Opthalmic Assistant chuan lawmthu sawina in a khar a, programme hman zawh a Free Clinic neih chhunzawm ani a Tarmit pawimawh zual te hnenah a thlawnin tarmit hi sem nghal a ni. Vawiin programme ah hian damlo za chuang in an inentir a, kalkhawm mipuiten free clinic hi an hlut hle.

Tun dinhmuna Siaha NPCB & VI hnuaiah hian a thlawna cataract zai te leh school naupang mit thalo zual te hnenah tarmit sem te, kum upa lam khawsak harsa zual te hnenah tarmit semna te an neih thin a ni