Tipa, The 29th April 2022 : Vawiin chawhma dar 11;OOam hian, nikhat awh tur Health Mela Pu,Lalsangliana Deputy Commissioner Siaha District chuan a hawng.
Pu,Lalsangliana DC chuan he Mela hawnna thusawiin, Ministry of Health and Family Welfare Govt of India in Independence day kum 75-na lawmna "Azadi ka Amrit Mahotsav" puala April 18-29,2022 inkar chhunga India ram chhung a RD Block tina Health Mela (Hriselna Kutpui) buatsaih tura ruahmanna a siam angin, vawiin hian National Health Mission (NHM) Health & Family Welfare Department huaihawtin Tipa RD Block Hqrs.Tipa a hman a ni chu lawmawm a tih thu leh he Mela hi tangkai taka hmang vek turin mipuite chu chahin in, Health Mela chu a hawng a ni.
He Health Mela puala inkhawm hi Dr.Lalnunziri Chief Medical Officer in kaihhruaiin, Health Mela chhimtu mipuite chu he hun hi tangkai taka hmang tura chahin, vawiin ah chuan, Siaha Dist.Hospital a Doctor zawng zawng an lo kal thei a ni tih a sawi.
lawmthusawina hun Dr.S.Vabeilysa SMO Siaha in a hman hnu in Health Mela puala in inentirna hun hi tan a ni.
Tipa a Health Mela buatsaih ah hian Stalls 22 lai mai hawn a niin, damlote en hna bakah Awareness campaign hun atan hman a ni zel bawk a ni.
Sc : Tipa Express
Gallery :
